ڈیپ مائنڈ کی بڑی پیش رفت، مصنوعی ذہانت نے پروٹین کی ساخت سمجھنے میں صدیوں پرانے سائنسی مسئلے کو حل کر دیا

مصنوعی ذہانت کے شعبے میں ایک اہم پیش رفت کے طور پر کمپنی ڈیپ مائنڈ کے نظام نے پروٹین فولڈنگ کے اس پیچیدہ سائنسی مسئلے کو حل کرنے میں نمایاں کامیابی حاصل کی ہے، جو دہائیوں سے سائنس دانوں کے لیے ایک بڑا چیلنج بنا ہوا تھا۔

ماہرین کے مطابق گزشتہ 50 سال سے زیادہ عرصے تک یہ سوال سائنسی تحقیق کا مرکزی نکتہ رہا کہ جینز میں موجود معلومات کی بنیاد پر کسی پروٹین کی تین جہتی ساخت کو درست طور پر کیسے پیش کیا جا سکتا ہے۔ اب مصنوعی ذہانت پر مبنی اس نظام نے کئی کیسز میں ایٹم کی سطح تک درستگی کے ساتھ پروٹین کی ساخت کی پیشگوئی ممکن بنا دی ہے۔

سائنسدانوں کا کہنا ہے کہ یہ پیش رفت حیاتیاتی تحقیق، ادویات سازی اور بیماریوں کے علاج کے طریقوں میں ایک انقلابی تبدیلی لا سکتی ہے، کیونکہ پروٹین کی ساخت کو سمجھنا جدید طب اور بایو ٹیکنالوجی کی بنیاد سمجھا جاتا ہے۔

ماہرین کے مطابق یہ کامیابی اس بات کی علامت ہے کہ مصنوعی ذہانت صرف ڈیٹا تجزیے تک محدود نہیں رہی بلکہ اب یہ بنیادی سائنسی سوالات کے حل میں بھی مرکزی کردار ادا کر رہی ہے