امریکہ نے انتھروپک کے اے آئی ماڈلز پر عائد پابندیاں ختم کر دیں، دو ہفتوں کا تنازع ختم

امریکی حکومت نے مصنوعی ذہانت کی کمپنی اینتھروپک کے جدید اے آئی ماڈلز پر عائد پابندیاں واپس لے لی ہیں، جس کے بعد دو ہفتوں سے جاری کشیدگی کا خاتمہ ہو گیا ہے۔

امریکی محکمۂ تجارت نے تصدیق کی ہے کہ کمپنی کے طاقتور ماڈلز پر لگائی گئی برآمدی پابندیاں ختم کر دی گئی ہیں، جو سکیورٹی خدشات کے باعث عارضی طور پر نافذ کی گئی تھیں۔ ان پابندیوں کے نتیجے میں کمپنی کو اپنے کچھ جدید ماڈلز تک رسائی محدود کرنی پڑی تھی۔

حکام کے مطابق اب سکیورٹی جائزے اور خطرات کے تجزیے کے بعد یہ فیصلہ کیا گیا ہے کہ ان ماڈلز کو دوبارہ مرحلہ وار بحال کیا جائے گا، جبکہ کمپنی نے امریکی حکام کے ساتھ تعاون جاری رکھنے اور سکیورٹی پروٹوکولز مزید بہتر بنانے پر اتفاق کیا ہے۔

یہ معاملہ اس وقت سامنے آیا جب واشنگٹن نے مصنوعی ذہانت کے تیزی سے پھیلتے ہوئے اثرات اور ممکنہ سکیورٹی خطرات کے پیش نظر بعض کمپنیوں پر سخت نگرانی اور پابندیاں عائد کی تھیں، تاہم حالیہ مذاکرات کے بعد پالیسی میں نرمی اختیار کی گئی ہے