پرچہ لیک اسکینڈل کے بعد بڑا فیصلہ: نیٹ امتحان کے ری ٹیسٹ پیپرز کی نگرانی فضائیہ کے سپرد کیے جانے پر غور۔ بھارت میں میڈیکل داخلے کے سب سے بڑے امتحان نیٹ یو جی کے ری ٹیسٹ کے پرچوں کی حفاظت اور ترسیل کے لیے ایک غیر معمولی سکیورٹی اقدام پر غور کیا جا رہا ہے۔ رپورٹس کے مطابق مبینہ پرچہ لیک کے بعد اصل امتحان منسوخ کیے جانے کے بعد اب نیا امتحانی عمل سخت نگرانی میں مکمل کرنے کی تیاری کی جا رہی ہے۔ تجویز کے تحت امتحانی پرچوں کی نقل و حمل اور حفاظت کی ذمہ داری بھارتی فضائیہ کے سپرد کیے جانے کا امکان ہے تاکہ کسی بھی قسم کی لیک یا غیر قانونی رسائی کو روکا جا سکے۔ یہ اقدام تعلیمی نظام میں شفافیت اور اعتماد بحال کرنے کی ایک بڑی کوشش کے طور پر دیکھا جا رہا ہے کیونکہ حالیہ اسکینڈل نے لاکھوں طلبہ اور والدین میں شدید بے چینی پیدا کر دی تھی۔